Кыргыз Республикасынын азыркы сот системасынын негизин түзгөн санариптик инфраструктураны өнүктүрүп жатабыз. Биздин команда соттордун ишин тез, так жана ачык-айкын кылуучу технологиялар үчүн жооптуу. Департамент жарандарга жана процесстин катышуучуларына онлайн маалымат алууга, соттор менен аралыктан байланышууга жана ыңгайлуу электрондук сервистерди колдонууга мүмкүндүк берген чечимдерди түзөт. Биз негизги платформалардын ишенимдүү иштешин жана сот органдарынын ортосунда маалыматтардын коопсуз алмашуусун камсыздайбыз.
БИЗДИН НЕГИЗГИ БАГЫТТАРЫБЫЗ – Соттор үчүн санариптик продуктуларды түзүү жана өнүктүрүү – Жарандардын сот системасы менен өз ара аракеттенүүсүн жөнөкөйлөтүүчү сервистерди киргизүү – Сот системаларын мамлекеттик ресурстар менен интеграциялоону камсыз кылуу – Колдонуучуларга методикалык жана техникалык колдоо көрсөтүү.
НЕГИЗГИ ДОЛБООРЛОР
«Сот» ААК Соттук иш кагаздарын жүргүзүү үчүн бирдиктүү мейкиндик. Процесстерди автоматташтырууга мүмкүндүк берет жана сотторду жалпы системага бириктирет. Соттук актылардын мамлекеттик реестри Соттук чечимдердин ачык базасы, жарандардын маалыматка жеткиликтүүлүгүн жана ачык-айкындуулугун камсыз кылат.
«Санариптик сот адилеттиги» порталы Иштин абалын, отурумдардын графигин билүүгө, электрондук кайрылуу жөнөтүүгө, мамлекеттик алымды төлөөгө жана билдирмелерди алууга мүмкүн болгон онлайн-инструмент.
СЮЖМдин санариптик окутуу платформасы Соттор жана сот системасынын кызматкерлери үчүн аралыктан окутуу жана тестирлөө системасы.
