Tazabek - Айыл чарба, тамак-аш өнөр жайы жана мелиорация министри Тилек Токтогазиев «Инфо-Система» Мамлекеттик ишканасынын жана «Түндүк» ведомстволор аралык электрондук өз ара аракеттенүү тутумунун өкүлдөрү менен жолугушуу өткөрдү. Бул тууралуу Айыл чарба жана тамак-аш өнөр жай министрлигинин басма сөз кызматы билдирди.

Жолугушуунун алкагында министрликтин процесстерин оптималдаштыруу жана республиканын айыл чарба тармагына инновациялык технологияларды киргизүү боюнча макулдашууга жетишилди.

«Санариптештирүүнүн алкагында айыл чарба жерлеринин карталары түзүлүп, анда жердин абалы жана аны пайдалануу боюнча маалыматтар так көрсөтүлөт. Ошондой эле телеграм-боту түзүлүп, анын жардамы менен дыйкандар маанилүү маалыматтарды кабыл алып, өткөрүп бере алышат. Декабрдын аягына чейин ведомстволор боюнча маалыматтар санариптештирилет жана электрондук документ жүгүртүү министрликке киргизилет », - деди министр.

Министрликтин тиешелүү департаменттери жана бөлүмдөрү ишке ашыруу процессин баштады.

Кененирээк: https://www.tazabek.kg/news:1658302?from=rss