«Түндүк» мамлекеттик мекемеси Балык чарба департаменти менен биргеликте өлкөнүн балыкчылары үчүн жаңы маалымат тутумун - "Электрондук балык уулоо билетин" ишке киргизип жатат.

Эми бул системанын жардамы менен балыкчылар электрондук балык билетин мобилдик тиркеме аркылуу ала алышат.

Электрондук балык уулоо документин алуу үчүн төмөнкүлөр керек:
• MegaPay тиркемесин жүктөп алуу же жаңыртуу (Google Play же App Store жүктөп алууга болот);
• Тиркемеден "Төлөө" бөлүмүнө өтүп, андан кийин "Атайын кызматтар" баскычын басасыз;
• "КР балык уулоо билети" кызматын тандап, "Билет сатып алуу" баскычын басасыз;
• аты-жөнүн киргизүү керек;
• балык улоо билетинин же картанын түрүн тандоо (тандалган электрондук документке жараша баасы автоматтык түрдө түзүлөт);
• аймакты жана суу объектисин көрсөтүү, андан кийин билеттин башталыш күнүн киргизүү (документтин жарактуулук мөөнөтү автоматтык түрдө аныкталат);
• андан соң "Төлөөгө өтүү" баскычын басып, телефон номерин киргизип, төлөмдү ырастоо керек.

Даяр!
Даяр болгон электрондук билетти же карточканы "Атайын кызматтар" – "КР балык уулоо билети" – "Менин билеттерим" бөлүмүнөн таба аласыз.

PDF форматындагы документти телефонуңузга жүктөп алып, егерге көрсөтсөңүз болот.

Ошондой эле, электрондук билеттерде жана карталарда атайын QR-код камтылган, аны егерь сканерлеп, документтин жарактуулугун текшере алат.

Мамлекет жарандарга жагымдуу шарттарды түзүү менен кам көрөт.